jjcobwebb

Siguro hindi ako yung taong sobra sobra mangarap. Hindi rin ako yung taong maraming gustong gawin sa buhay. Hindi ako yung taong maraming hinahangad na mangyaring maganda sa buhay ko. Sa totoo lang Mr. T!, gusto ko simple lang maging buhay ko. Yung tipong I have what I need and I get what I want. Tunog hindi simple. Hindi ko naman kasi magexplain ng mabuti. Basta simple. Ganun.

Yung mga nakaraang linggo Mr. T! sobrang bilis ng mga pangyayari. Sa totoo lang, naiiwan na ko ng buhay ko. Hindi na ko makasabay sa sobrang bilis ng pag-agos ng mga nangyayari. Wala kong batong mahawakan para kumapit man lang para pigilan sarili ko sa pagsama sa pag-agos. Ang bilis bilis talaga parang natatakot ako...

While chatting with Jeffrey, bigla kong namiss lahat. Namiss ko kung gaano kami kasimple nun. Parang ang saya saya ng buhay pag magkakasama kaming apat. Masaya na kami kahit nakaupo lang kami sa damuhan nagkukuwentuhan hanggang umuwi na kami. Maglakad ng maglakad. Simple di ba? 

Hindi ako sanay ng maraming kaibigan. Friendly ako pero sobrang onti lang ng taong kinoclose ko talaga. Naglalag ako pag sobrang dami ng tao sa isang lugar at kailangan friendly ka kahit hindi mo naman sila close. Hay... dun ko namiss yung kaming 4 lang nina Barry, Rhitz and Jeffrey. Baket ganun nararamdaman ko Mr. T!? Hay... parang ang sarap isara sarili ko sa mundo. Biglang nagkaroon ng kanya kanya kaming priorities. Hindi ko maiwasang malungkot. Pero kailangang ngumiti.

Sa totoo lang wala kong masulat ngayon Mr. T! March na and first entry ko toh for March. Baket ganun? Wala kong mojo para magsulat. Wala kong inspirasyon. I used to love telling stories. Pero nahihirapan ako ngayon :( Gusto ko man magkwento pero pag nasa harap na ko ng laptop lumilipad naman isip ko. :( Hay... may nawala ata sa pagkatao. Aaminin ko hindi na ko tulad ng dati. Ang daming nagbago. Ang daming dumating. Ang daming nawala. Namimiss ko sarili ko. Namimiss ko si Subtle Bliss 2004-2008 :( San na ba siya napunta? Baket ganun? Masaya naman ako pero hindi ako makapagkwento. Gusto na kita igive up Mr. T! Pero nagpromise ako na hindi kita iiwan di ba? I'm keeping my promise :) Sana bumalik sipag ko sa pagkwento. Update you soon...