January 21, 2008
Gusto Ko Lumipad
Gusto ko lumipad
Pero wala akong pakpak
May hangin nga
Hindi naman ako kaya buhatin nito
Gusto ko lumipad
Makita kung anong mayroon sa itaas
Kaso wala naman akong pakpak
Paano ako makalilipad
Gusto ko lumipad
Para makaalis na ko dito sa lupa
Yayakapin ko mga ulap
Lalakaran ang bahaghari
Dahil sa taas ng ulap
Mahahawakan ko mga bituin
Masisilayan ang buwan ng malapitan
Sayang wala akong pakpak
Gusto ko talagang lumipad
Sana mayroon akong pakpak
Maramdaman paano mayakap ng ulap
At di mabasa ng ulang pumapatak
Gusto ko lumipad
Gusto ko lumipad
Kung may magbibigay ng pakpak
Habang buhay ko tong ikagagalak