September 23, 2007
Sana Ngayong Gabi
Ngayong gabi
Ikaw ang aking unan
Yayakapin nang mahigpit
Di pakakawalan
Ngayong gabi
Ikaw ang aking dilim
Mahihimbing sa yong piling
Palalayain mga lihim
Ngayong gabi
Ikaw ang aking hangin
Mga kaluskos at halinghing
Bibigay sa yo ang hangarin
Ngayong gabi
Isasama kita sa aking panaginip
Tayo'y maglalakbay
At sana'y di na ko magising
Ngayong gabi
Sana tayo'y magkatabi
Ating mga labi'y dadampi
Buwan at mga bituin lamang ang saksi
Ngayong gabi
Ako'y sa yo at ika'y akin
Ngunit pilitin ko man ng pilitin
Kailanma'y di ka mapapasakin
Ngayong gabi
Ay isa na namang gabi
Isang pusong umaasa
Isang damdaming awit ay sana...